.

GUHIT PINOY sa KOMIKON 2011

2011-11-12T21:43:00.001+08:00

11X17 Vellum Cartolina For Sale!

2011-09-07T17:21:00.003+08:00

11x17 Blank Vellum Cartolina for sale! For original comics illustration. P6 per sheet. Minimum of 100 piece per order. Meetup inside Metro Manila or ship within the country with additional shipping fee.

Please email rpvaliente@yahoo.com

HEADLOCKED at SAN DIEGO COMIC CON 2011

2011-07-17T20:20:00.003+08:00

I'm at San Diego Comicon for the signing of the book 'Headlocked' this July 21-24 at Booth 1901. Here are my sked for the event:

Thurs- 10AM-12AM

Fri- 530PM-7PM

Sat- 4PM-6PM

Sun- 10AM-12AM

Jose Rizal Reader Book Launch

2011-06-23T11:29:00.000+08:00

FRAMED: Beyond Comics

2011-04-29T16:00:00.000+08:00

PINOY KOMIKS REBYU 2

2011-04-28T00:46:00.002+08:00

Sa May 7-8, 2011 sa Metro Comic Con, Megatrade Hall, SM Megamall.

SUMMER KOMIKON 2011

2011-03-31T15:19:00.002+08:00

Atlas and GASI Publ. Reunion (updated)

2011-03-10T01:59:00.003+08:00

Nailipat ng April 9, 2011 ang reunion ng GASI, 1pm-10pm, sa naturang venue rin.

Mauuna muna ang reunion ng Atlas Publication ngayong Biyernes (1pm onwards) sa bakuran mismo ng Atlas sa 20th Ave., Cubao, QC.

BLAG Book Launch

2011-01-21T03:31:00.002+08:00

BLAG. Glady Gimena's book launch.
February 1, 2011, 2-5pm C.M. Recto Hall, UP Diliman

Guest speakers: Ernie Patricio, Hal Santiago, KC Cordero, Randy Valiente, Ofelia Concepcion, Terry Bagalso, Gino Evaristo and Dr. Romeo Lirio.

PABLO GOMEZ' last public appearance at the 2010 Metro Comic Con

2011-01-15T14:10:00.002+08:00

http://www.facebook.com/video/video.php?v=1628382237628&comments

PABLO GOMEZ R.I.P.

2010-12-27T05:07:00.004+08:00

Yumao na po ang mahusay at kilalang manunulat sa komiks na si Pablo Gomez kagabi lamang. Nakikiramay po ako sa kanyang mga naulila.

Larawan mula sa WikiPilipinas. Mababasa ang ilang tala tungkol sa kanya sa pahinang ito .

Singapore Comic Con 2010

2010-12-17T21:53:00.002+08:00

Me with the great Alex Maleev :)

RIP ERNIE GUANLAO

2010-11-14T04:06:00.002+08:00

Sumakabilang buhay na po ang beteranong dibuhista ng komiks na si Ernie Guanlao noong nakaraang Miyerkules. Ilan sa mga nagawa niyang nobela sa komiks ay ang 'Kapag Nagalaw ang Pugad ng Isang Ibon' at 'Gumamela' parehong isinulat ni Joelad Santos. Ilan din sa mga nagawa niya sa American comics ay ang 'Secrets of Haunted House' at 'Withing Hour' ng DC.

Naging storyboard artist din si Guanlao sa 'G.I. Joe' noong 1985, 'Transformers' movie noong 1986 at 'The Real Ghostbusters' noong 1987.

Siya ay nakabase sa Amerika.

IPUIPO SA PIGING

2010-10-24T02:03:00.002+08:00

NOW AVAILABLE!

POPULAR BOOKSTORE
#305 Tomas Morato Avenue,
Quezon City, Philippines

BOOKAY-UKAY BOOKSTORE
#55 Maginhawa St., UP Village,
Diliman, Quezon City

LA SOLIDARIDAD BOOKSHOP
531 P. Faura
Ermita, Manila

TOKYO POP TOYS AND HOBBY SHOP
2nd Level, Robinsons San Fernando
Pampanga

Ipuipo sa Piging" ("Whirlwind to the Feast") is a poetry anthology containing poems and 1 short story from 32 poets representing 3 generations of writers in the country. The book contains the writings of well-respected but somewhat enigmatic writers in the country including Iowa University alumnus Gelacio Guillermo now referred to in underground circles as "makata ng bayan" ("poet of the people"), Rogelio Ordonez of the landmark anthology "Agos sa Disyerto", Palanca Awards hall of famer Reuel Molina Aguila, and the ferocious 'young turks' of Philippine progressive literature today. Published by Fermin Salvador, Abet Umil, and Randy Valiente. Edited by Abet Umil.

RIP Armand Campos

2010-10-06T17:41:00.004+08:00

Nagulat ako sa isang balita kanina sa Facebook, sumakabilang-buhay na pala ang manunulat na si Armand Campos noong isang linggo. Si Armand ay isa sa mahusay na short story at nobelista noong dekada 90 sa bakuran ng GASI.

Maraming salamat sa pagiging kaibigan at kasama, pare. Susulat pa rin tayo ng kuwento kahit nasaan man tayo.

PHILIPPINE INTERNATIONAL CARTOONS, COMICS AND ANIMATION (PICCA) FESTIVAL

2010-10-04T21:06:00.004+08:00

I-klik para sa mas malaking images.

Narito ang link ng inaasahang magiging mga paksa.

KOMIKON 2010

2010-09-28T12:25:00.000+08:00

R.I.P. RAMON MARCELINO

2010-09-18T09:56:00.004+08:00

Sumakabilang-buhay na po ang batikan at mahusay na manunulat/editor/historian ng komiks na si Ramon Marcelino kaninang madaling araw dahil sa atake sa puso.

Si Mang Ramon ang nagsulat ng aklat na 'History of Komiks of the Philippines and other Countries'. Isang malaking karangalan na nakapanayam at naging bahagi siya ng Pinoy Komiks Rebyu.

Maraming salamat ng marami, Mang Ramon. Hindi namin kalilimutan ang malaking ambag ninyo sa industriya ng komiks.

JUN LOFAMIA's BLACK DYNAMITE

2010-09-15T23:25:00.005+08:00

Nakatutuwang malaman na bukas pa rin ang pintuan ng mga American publishers para sa ating mga beterano. Ang mga comics pages na makikita sa itaas ay gawa ni Jun Lofamia para sa 'Black Dynamite' ng Ape Entertainment na nakatakdang i-release sa mga susunod na linggo.

Basahin ang maikling detalye dito.

IPUIPO SA PIGING BOOK LAUNCH: ISANG TAGUMPAY

2010-08-25T23:52:00.009+08:00

Maraming salamat sa lahat ng manunulat at makata na dumalo sa launching ng aklat ng 'Ipuipo sa Piging' nitong nakaraang Lunes sa 70s Bistro. Kahit umuulan ng malakas ay hindi ito naging hadlang upang hindi maging mainit ang pagtanggap ng mga tao.

Mga two weeks from now ko pa maikakalat sa mga bookstores ang libro. Kung gusto ninyong magkaroon ng advance copy ay maari ninyo akong kontakin sa aking email: tagakomiks@yahoo.com .

Php275 ang isang kopya ng libro at may companion dvd ng mga manunula nkasama sa libro.

Maraming salamat kina Kislap Alitaptap, Pia Montalban, Abet Umil at Lolito Go sa mga larawan.

SHIRT KAYO!

2010-08-11T06:51:00.009+08:00

May ginawa akong mga pasadyang t-shirts para sa mga fans ng komiks. Tumatanggap ako ng order sa Metro Manila, mga probinsya, hanggang sa ibang bansa.

Colored (gray, red, blue, green, red) - Php 250
White - Php 200

Available na ang mga tatak na:
Nestor Redondo
Francisco Coching
Larry Alcala
Mar Santana
Vincent Kua Jr.
Alex Niño
Tony Velasquez

Male/ female, small/medium/large available.

Para sa iba pang designs, narito ang link.

Mag-email lang po sa tagakomiks@yahoo.com

METRO COMIC CON 2010

2010-08-03T00:27:00.002+08:00

August 21-22 10:00am-9:00pm
Megatrade Hall, SM Megamall

Visit the official website here.

IPUIPO SA PIGING BOOK LAUNCH

2010-07-30T14:37:00.000+08:00

Booklaunching ng "Ipuipo sa Piging" - Antolohiya ng mga Makabayang Tula

Magkakaroon ng booklaunching para sa aklat na "Ipuipo sa Piging" sa Agosto 23, 2010 (Lunes), 6 - 9 ng gabi, sa 70s Bistro sa 46 Anonas St. Project 2, Quezon City. Inaanyayahan ang lahat na dumalo sa natatanging programang ito na may mga pagbabasa ng mga makatuturang tula mula sa mga kinikilalang manunulat ng bayan sa kasalukuyang panahon na kinabibilangan nina Gelacio Guillermo, Rogelio Ordonez, Reuel Molina Aguila, Alexander Martin Remollino at marami pang iba. Walang bayad ang entrance.

PAALAM, LIZZIE SANTOS

2010-07-27T18:45:00.003+08:00

Malungkot ko pong ibinabalita sa inyo na pumanaw na kaninang madaling araw ang komiks/feature writer at book author na si Lizzie Santos dahil sa lung cancer.

Si Lizzie ay nakapagsulat sa GASI, Atlas at Counterpoint noong buhay pa ang mga publikasyong ito. Naging kasamahan ko siya sa unang writing workshop ng Precious Hearts Romances noong 1995, mula noon ay naging kasama at kaibigan ko na siya sa mga writing gigs hanggang itayo namin ang 1am (No. 1 Artist Movement) noong taong 2000 kasama ang isa pang romance writer na si Michelle Vito.

Nitong mga nakaraang taon ay nag-concentrate na siya sa paggawa ng libro at pagsusulat sa mga writing sites sa internet. Huli kaming nag-collaborate noong 2005 nang ilabas niya ang 'Mga Idiomatic Expressions sa Ingles at Kahulugan nito sa Pilipino' na inilabas ng National Bookstore Publication.

Noong isang linggo ay tumawag pa siya sa akin dahil gusto niyang magkita-kita kami, nagkataon naman na marami akong ginagawa kaya sinabi kong hindi ako makakarating. Hindi niya kasi sinabi na malala na pala ang sakit niya.

Ang labi ni Lizzie ay kasalukuyang nakaburol sa Funeraria Paz sa Araneta Ave.

Paalam, Lizzie. Maraming salamat.

(Ang larawan sa itaas: Lizzie Santos, ako, at pintor na si Dennis Miguel, pagkatapos ng painting exhibit ni Dennis sa CCP noong 2006)

ERNIE CHAN'S AUDIO INTERVIEW

2010-07-17T23:26:00.003+08:00

Audio interview with legendary Filipino artist Ernie Chan conducted by Toronto Cartoonist Workshop's Walter Dickinson. He talks about being an artist in the Philippines, how they worked and the tools they used, then coming over to America and working with artists like John Buscema and Gil Kane. He talks about how he inked Marvel and DC books, his penciling work and some of his very recent commissions.

Here is the link.

ERNIE CHAN'S 1960's COVERS

2010-07-15T02:40:00.009+08:00

Nag-upload ang beteranong si Ernie Chan ng mga 1960'2 komiks covers sa kanyang Facebook account. Karamihan sa mga ito ay ngayon ko lang nakita, at ang interesting sa mga ito ay mababalikan natin ang kasaysayan ng mga malalaking balita sa ating bansa.

Narito ang ilan pa sa mga covers na gawa ni Ernie Chan.

Paumanhin po sa mga regular na bumibisita sa blog na ito kung hindi na ako nakakapaglagay ng updates. Masyado lang maraming ginagawa nitong mga nakaraang buwan. Mas madali akong makapagbigay ng updates sa Facebook account ko dahil iyon ang pinaka-convenient sa akin dahil kahit cellphone ay nagagamit ko sa pag-upload.

ESPRESSO COMICS

2010-06-30T12:48:00.002+08:00

Ipinamimigay ito sa mga stations ng LRT, LRT 2 at MRT. Naghahanap pa ang publishers ng ilalaman sa mga susunod na issues nila. Magandang oportunidad ito sa mga indie creators. Narito ang kanilang website.

Kokak, Ipuipo at Isang Mahabahabang Usapan Trailer.wmv

2010-06-24T21:00:00.000+08:00

TOYCON 2010

2010-06-21T11:38:00.008+08:00

Salamat sa lahat ng bumili ng komiks at magasin kahapon sa 9th Toy Convention sa ginanap sa SM Megamall. Napuno ang table namin dahil sa husay mag-portrait nina Rico Rival, Danny Acuña at Jun Lofamia. Salamat sa mga bumisita sa pwesto namin--Gerry Alanguilan, Stanley Chi, Ariel Atienza, Patrick Berkenkotter, Ali Borbe at Joel Cotejar (dating mga kasamahang illustrators noon sa Kislap) at Leng Maborrang (dating manager ko noon sa Aklat textbooks na pinag-drawingan ko). Salamat din kay Alfred Alcala Jr. sa meryenda at maya-mayang pakain, at syempre kay Azrael Coladilla sa pagbibigay ng libreng table.

FAMILIAR SCENE

2010-06-17T14:40:00.006+08:00

Ang title pala ng dvd na nabili ko ay 20th Century Boys kung saan ang bida ay kahawig ni Direk Carlo Caparas. Suspense-sci fi ang tema, medyo pambata ang dating ng kuwento para sa akin. Pero enjoy panoorin dahil fast-paced at interesting ang mga eksena.

May isang tagpo dito na talagang natawa ako dahil pamilyar sa akin.

Ito iyung dalawang comics artist ang nagpakita ng trabaho kay Kenji (pangalan ng kahawig ni Direk Carlo). Nagbibigay siya ng puna at papuri sa dalawang artist. Parang ganito ang mga eksena 2 years ago sa Sterling office.

Pasensya na sa malabong pictures dahil kinunan ko lang sa cellphone ang tv screen habang nanonood ako.

Ito iyung sample ng drawing na ipinakita ng dalawang artist kay Kenji. Maganda daw ang pagkakagawa, ayon sa bida. Pero kung ganito kaya ang ipapakita kay Direk Carlo, baka mapamura siya. Dis is nat a Pilipino drowing!!!

AMBIGRAM

2010-06-14T11:46:00.002+08:00

Natuwa ako dito sa ginawa ni Neil Defeo. Ambigram ito ng pangalan ko at ni Conan Doyle (hindi ko alam kung bakit siya ang kapartner ko). Ang ambigram ay mga salita na puwedeng basahin kahit pabaligtad. Isa ito sa napakahirap na artform dahil talagang mag-iisip ka kung paano gagawin, at syempre maraming trial and error. Salamat, Neil!

Mukhang magandang tshirt design ito a.

A BOOK AND A DVD

2010-06-11T07:32:00.007+08:00

Natanggap ko kanina ang complimentary copy ng second issue ng Outbound, UK based comics anthology ito. Isang simpleng inside cover illustration lang ang gawa ko dito.

Nakakuha din ako ng dvd na ito ang cover. Ang totoo ay hindi ko alam ang title nito. 20? Hindi ko rin alam kung ano ang kwento. Parang pamilyar lang kasi sa akin ang bida na nasa harap.

At eksakto namang habang kumakain sa labas ay na-realize ko na kahawig nga niya ang nasa print ng t-shirt ko. Nagpakuha na ako ng litrato hawak ang dvd para may remembrance.

SA PADER

2010-06-09T01:57:00.002+08:00

Napaka-imaginative at creative naman ng gumawa nito. Nakita ko lang sa restroom ng isang restaurant sa QC. Nilagyan ng mukha ang nabuburang pintura sa dingding, mukha nga namang unggoy.

MGA PANAWAGAN SA KALSADA

2010-06-05T13:04:00.003+08:00

Ang kagandahan lang sa cellphone na may camera, pwede kang kumuha ng litrato kahit saan ka mapunta, sa mga hindi mo inaasahang pagkakataon.

Nakita ko ito sa isang kalye sa Sta. Mesa.

Ito naman sa isang kalsada malapit sa PNU at SM Manila.

IPUIPO SA PIGING

2010-06-03T12:56:00.002+08:00

Nasa final stage na kami sa librong 'Ipuipo sa Piging', isa itong poetry book na binuo naming tatlo nina Abet Umil at Fermin Salvador. Art direction ang contribution ko dito at pawang mga kilala at mahuhusay na poets ang laman ng libro.

Pinaplano na rin ang launching nito--petsa at lugar na paggaganapan.

JESS JODLOMAN artworks

2010-06-01T03:24:00.004+08:00

Mayroon nang additonal artworks sa kanyang multiply site si Jess Jodloman. Makikita dito ang ilan niyang mga paintings, illustrations at trabaho sa komiks.

RENAISSANCE: CEBU TOUR pics

2010-05-25T21:36:00.005+08:00

Matagumpay ang ginawang book signing ng ilang artist na kasama sa librong Renaissance na ginanap sa Grand Convention Center (Sabado) at Powerbooks SM Cebu (Linggo). Makikita sa Facebook account ni Ernest Hernandez ang mga litrato ng nakaraang Renaissance Cebu Tour.

Ako at si Danny Acuña.

*****
Salamat sa complimentary copy na binigay ng Big Ape Design Studio, lahat sila ay mga independent comics creators na nakabase sa Cebu. Narito ang kanilang blog.

Salamat din sa island hopping/swimming na sinagot ni Francis Sy. Makikita ang litrato sa Facebook account ni Carlo Pagulayan. Nag-enjoy ang grupo.

RENAISSANCE: ANG MULING PAGSILANG BOOK TOUR - CEBU

2010-05-18T16:16:00.001+08:00

Attention, comic book fans in Cebu!

In light of the successful release and warm welcome of the art book RENAISSANCE: ANG MULING PAGSILANG, Anvil Publishing and National Bookstore are bringing your favorite comic book artists to Cebu! Meet and greet some of the comic book industry’s top talents as they sign and sketch for you at National Book Store Ayala Mall in Cebu City on May 22, 2010 from 3 PM to 5 PM.

Renaissance: Ang Muling Pagsilang is brought to you by Anvil Publishing, Inc and is now available at all bookstores nationwide.

RELIGIOUS BOOK ARTWORKS

2010-05-13T20:11:00.009+08:00

Noong bata pa ako ay may Bibliya ang kamag-anak ko na may mga paintings sa ilang pages. Hindi ko makalimutan dahil napakagaganda ng mga ito. Siguro maituturing natin na ginawa ang mga paintings hindi lang upang mailagay sa libro kundi pinagbuhusan talaga ng panahon ng artist. Ang Bibliyang tinutukoy ko ay imprenta ng mga Jehovah's Witnesses.

Nakakakita ako ngayon ng mga libro nila, kahit magasin, pero hindi kasing-ganda tulad ng dati ang mga artworks. Wala rin akong idea kung sino ang artist.

Bukod sa mga regular bookstores ay madalas din akong pumasok sa mga religious bookstore para tumingin ng magagandang trabaho. Marami kasing artist ang alam ko na wala sa mainstream pero napakahuhusay ng trabaho.

Ang librong ito ng 'Book of Mormon Stories', na gawa ng Latter Days Saints ay paintings na parang ginawang komiks. Ang gaganda ng paintings dito na siguradong ginawa ng frame-by-frame bago binuo. Wala ring nakasulat kung sino ang painters dito.

Pero ang pinakamaganda na sigurong nakita ko ay itong librong may pamagat na 'Jesus The Son of Man', a Catholic book, na may mga paintings ni Carl Bloch (buti na lang at nakalagay ang pangalan), isang Scandinavian painter. Parang trabaho ng mga Rennaisance painters, at malapit-lapit sa gawa ni Diego Velasquez. Napag-alaman ko rin na madalas din palang gamitin ng mga Latter Day Saints ang paintings ni Bloch sa kanilang mga libro.

Legendary artist Frank Frazetta Passes Away

2010-05-11T04:39:00.002+08:00

Renowned fantasy and comic-book artist Frank Frazetta passed away today as the result of a stroke. He was 82. continue...

UNCOMMON GROUND exhibit

2010-05-04T13:30:00.001+08:00

Galing kay Derrick Macutay.

BHAKTI ART

2010-05-03T13:24:00.007+08:00

Hindi ako espiritwal na tao, at hindi rin naman relihiyoso, ngunit isang malaking karangalan na makilala at makausap ko kahapon (Linggo) ang isa sa mahusay at hinahangaang pintor ng Bhagavad Gita at Vedic writings sa katauhan ni Syamarani Dasi. Nag-iikot siya sa buong mundo at kasalukuyang narito sa Pilipinas upang magturo ng spirituality.

Unang kita ko pa lang sa kanya ay si Mother Theresa agad ang pumasok sa isip ko. Napakabuting tao, malumanay magsalita at punung-puno ng kaalamang espirtiwal. Hindi nga aakalaing isa pala siyang mahusay na pintor.

Nagdadalawang-isip pa nga ako na magpakuha ng litrato sa kanya, inosente kasi ako sa mga bagay na related sa Indian spirituality, baka kasi 'material thing' itong pagpapakuha ng litrato. Pero nang makita niya na inaayos ko ang camera ng cellphone ko, ngumiti siya at pinalapit ako sa kanya. Ako lang yata ang nagpakuha ng litrato kasama siya sa event na iyon.

Kung ang trabaho nina Michaelangelo at Da Vinci ay pinag-aaralan, ang gawa ni Syamarani Dasi ay literal na sinasamba sa mga templo. Anong klaseng visual art ang tataas pa diyan? Binigyan ng basbas ng mga spiritual guru ang kanyang mga paintings at sinabing hindi lang daw images ang mga ito kundi isang pintuan sa spiritual world.

Bumili ako ng ilang aklat na may paintings niya sa cover. Paboritong gamitin sa mga libro ang kanyang mga artworks. Namigay din siya ng mga prints at nakatutuwang pinirmahan niya ang mga ito. Para sa iba pang impormasyon tungkol sa artist at sa kanyang mga likha, narito ang kanyang website: Bhakti Art.

1ST PAMPANGA TOYCON/ FREE COMICBOOK DAY

2010-04-30T03:03:00.003+08:00

Ngayong May 1 ay nasa 1st Pampanga Toy Convention ako sa SM San Fernando. Dahil may sariling table ang pinsan ko na may-ari ng isang toy store sa Pampanga, magdadala na rin ako ng kopya ng Pinoy Komiks Rebyu at iba pang komiks na puwedeng ipagbili. Kung kayo ay malapit sa lugar, hanapin niyo lang ako dahil maghapon naman ako sa event.

Kasabay din nito ang Free Comic Book Day kung saan mamimigay ng libreng komiks ang mga comics shops sa buong mundo. Dito sa Pilipinas, kasabay ng FCBD ay magkakaroon ng signing sina Leinil Yu, Gerry Alanguilan at Edgar Tadeo sa Comic Odyssey Robinsons Galleria.

Isang beses pa lang akong naka-attend ng FCBD at sa dami ng taong nanghihingi ng komiks ay pinapayuhan kong agahan na ninyo ang pagpunta.

*****
Paningit: Huwag ding kalilimutang ang May 1 ay Labor day!

At ayon kay Confucius: "Choose a job you love, and you will never have to work a day in your life."

OUT OF PICTURE

2010-04-29T14:09:00.008+08:00

Isa na siguro sa pinakamagandang comics anthology na nakita ko sa kasalukuyan ay itong 'Out of Picture'. Volume 2 lang meron ako at wala na akong makitang volume 1.

Kakaiba ito sa mga 'usual' comics na nakikita natin dahil ang lahat ng gumawa dito ay galing sa isang studio na puro concept/ storyboard/ production artist. Sila ay mula sa animation at wala yatang nanggaling sa komiks.

ANG MUNDONG ITO NG BISWAL

2010-04-26T06:36:00.005+08:00

Naalala ko ang nabasa ko minsan, in the near future daw, ayon sa sumulat, ang pakikipag-communicate natin sa kapwa ay magiging visual na. Mag-i-evolve na ang lingguwahe ng mundo at karamihang makikita natin (at mababasa) ay hindi na letra kundi mga visual images at graphics. Halimbawa daw diyan ay ang mga symbols sa kalsada, sa loob ng building, at sa iba pang public places. Magiging standard daw sa atin ito kahit saang bansa ka pa nanggaling ay maiintindihan ito.

Halimbawa daw, nakatanim na sa utak natin ang stoplight, na kapag naging green ay 'go', kapag pula ay 'stop'. Hindi man tayo mag-seminar tungkol dito ay alam natin kung ano ang ibig sabihin ng green, yellow at red sa stoplight.

Ano man ang kahihinatnan ng mundo sa hinaharap, makasasabay pa rin naman tayo. Lalo pa't nasanay na tayo sa komiks bilang 'visual communicator'.

Sa shortfilm na ito ni Alex Roman, talagang piyesta ang mata mo sa ganda ng mga visuals. Hindi ko alam kung bakit tatlong ulit ko itong pinanood. Siguro talagang inspiring lang ito para sa isang visual artist.

The Third & The Seventh from Alex Roman on Vimeo.

Nang una ko ring makita ang image na ito ay iba ang nasa utak ko. Nang titigan ko ng husto ay hindi pala gaya ng inaakala ko. Isa ito sa halimbawa ng biswal na kayang manipulahin ang utak ng tao. O talagang grin minded lang ako?

ELEKSYON NA

2010-04-23T15:16:00.009+08:00

Ayon sa isang kanta ni Jess Santiago, may tatlo daw panahon sa Pilipinas: tag-araw, tag-ulan, at eleksyon. Paano nga namang hindi, alam na alam mo kapag malapit na ang eleksyon. Nagkalat na sa paligid ang banderitas, posters, tarpaulin ng mga kandidato. Puro pulitika na rin ang laman ng balita. Kumbaga, kung sakali mang may importante kang gagawin, ipagpaliban mo muna dahil tiyak na maaapektuhan ng eleksyon. Patapusin mo muna.

Wala ka na ring mababalitaan ngayon kundi pabanguhan at siraan ng mga kandidato. Ang masakit, mayroon pang patayan. Hindi ko makuha ang logic na: para ka lang makapagsilbi sa tao ay papatay ka ng tao. Alam na alam mo talaga na ang motibo ay hindi para magsilbi kundi kumuha lang ng kapangyarihan.

Pero isa sa pinaka-interesting para sa akin kapag dumadating ang ganitong panahon ay ang pagkolekta ko ng komiks ng mga kandidato. Kaunti pa lang ang nakukuha ko ngayon, mahirap kasi talagang tyempuhan. Kaya kung meron man kayong makuhang komiks ng pulitiko, pakibigyan na rin ninyo ako.

Pero bukod sa komiks ay mayroon pang mga nakatutuwang ipinamimigay ang mga kandidato. gaya nitong 'mani' na nakuha ko kagabi galing sa isang kaibigan.

Ito naman ay 'candy' ni GMA na hindi ko na lang kinain at idinagdag ko na lang sa koleksyon ko. Ipinamigay ito noong nakaraang eleksyon kung saan mahigpit niyang kalaban si FPJ.

Ilang linggo na lang at botohan na. At may aaminin ako sa inyo, hanggang ngayon ay hindi pa ako makapag-decide kung sino ang iboboto ko. Mahirap mamili, lalo na kung umaasa ka sa taong sana ay makapagdulot ng maganda sa Pilipinas.

Karapatan nating mamuhay ng maayos at tama. Pero kung ang naririnig lang natin sa mga pulitiko ngayon ay bangayan at siraan, at wala man lang mga malinaw na platapormang inilalatag, para na lang ulit tayong nagtapon ng boto.

TEKS

2010-04-21T13:41:00.002+08:00

Bago pa man magkaroon ng mga playing cards (Magic The Gathering, Pokemon cards, etc.), ay mayroon nang 'teks'.

Natatandaan ko na kolektor din ako ng 'teks' noong bata pa ako. Mayroon akong isang bag nito na iba't iba ang title. Sayang nga lang, dahil nakailang lipat din kami ng bahay noon kaya hindi ko na nai-save ang mga ito.

Ang 'teks' ay mga cards na na nasa pormang panel ng komiks. Bawat isa ay may number na kapag pinagsunod-sunod ay makakabuo ng buong istorya. Karaniwang ang lumalabas na 'teks' ay galing sa pelikula. Kumbaga ay para nitong tina-translate sa printed form ang isang hit movie.

Kung pag-aaralang mabuti, ang 'teks' ay impluwensya ng komiks sa kabuuang hitsura nito.

Ang pinakamalaking ambag siguro ng 'teks' sa kulturang popular ng Pilipinas ay ang uri ng pagbibilang nito. Ang 'half' ay tinatawag na 'cha'. Kaya kapag sinabing 'two-and-a-half', ito ay bibilangin na 'dalawa-cha'.

Ang 'teks' na nasa itaas ay mula sa http://flyandflea.blogspot.com/.

SUMMER KOMIKON/ JESS JODLOMAN ART FOLIO

2010-04-19T11:39:00.009+08:00

Kasama kong dumating sa Summer Komikon ang writer/poet na si Abet Umil, may dala siyang camera. Kasalukuyan kaming gumagawa ng full-lenght documentary film tungkol sa Philippine komiks kasama si Fermin Salvador. Medyo mahaba-haba ito kaya matatagalan din bago matapos.

Pasensya na sa napangakuan ko na ma-interview, kinapos kami sa oras (at battery ng video camera). Isa pa ay plinano na lang namin na gawin ang mga mga interviews sa bahay-bahay ng mga tagakomiks dahil masyadong maingay sa Komikon.

Kailangan ko ding umuwi ng maaga dahil sa isa pang lakad. Wala nga akong nabiling komiks maliban sa ilang kopya na ibinigay ng mga kaibigan at kakilala. Abangan ko na lang sa Sputnik at Comic Odyssey ang mga gawa ninyo.

Nagdala ng ilang kopya si Jeri Barrios ng 'Estrella'. Ang ilan ay ipinamigay niya para magsilbing pagpapakilala ng kanyang karakter.

*****

Nag-release din ng ilang kopya ng 'art folio' si Jess Jodloman.

Mayroon na ring webpage si Mang Jess na matatagpuan dito: http://jessmjodloman.multiply.com/ , under construction pa ito at kasalukuyang inaayos ng anak na si Grace.

'SPECIAL BOX' NA PUWEDE SA KOMIKS

2010-04-15T21:17:00.006+08:00

Kanina lang dumating ang order kong mga special boxes na puwedeng paglagyan ng kahit ano. Una kong nakita ito ay komiks kaagad ang naisip kong ilagay dito dahil eksakto ang sukat para sa dalawang komiks na magkatabi.

Ang kagandahan sa lalagyan na ito ay naitutupi at puwedeng bitbitin kahit saan. May iba't ibang designs ang cover (may foam sa itaas), at sa maniwala kayo at sa hindi, puwede itong upuan dahil matibay na board ang ginamit na materyales.

Kung maaga-aga lang sana ang order ko ay nakakuha ako ng table sa Summer Komikon at ang mga 'special boxes' na ito ang isasama ko sa ititinda.

SUMMER KOMIKON NGAYONG SABADO NA

2010-04-13T06:21:00.001+08:00

Alamin dito ang iba pang impormasyon tungkol sa Summer Komikon.

OUTBOUND 2

2010-04-12T04:25:00.002+08:00

Puwede na ang pre-order ng OUTBOUND #2. Nag-contribute lang ako ng black & white chapter cover para sa isang short story sa loob.

Narito ang iba pang impormasyon tungkol sa comics anthology na ito.

ESTRELLA

2010-04-09T05:22:00.006+08:00

Si Jeri Barrios ay matagal-tagal ko na ring kaibigan. Model siya sa mga commercials at artista sa telebisyon at pelikula. Hindi ko akalain na mahilig pala siya sa komiks. Madalas niya akong tinatanong kung paano pumasok sa komiks, pero hindi ko masyadong siniseryoso ang tanong niya. Akala ko kasi, hindi rin siya seryoso dahil nasa mundo na siya ng showbusiness. Pero habang tumatagal, tuwing magkikita kami at nagkakausap sa internet, lagi naming paksa ang komiks. Na may ginagawa siya ngayong karakter, at ginagawa niya ang mga pages. Hanggang nito nakaraang araw lang ay ipinakita niya ang buong pages ng 'Estrella'. Natapos niya ang buong kuwento nito!

Seryoso si Jeri, sa isip ko. May puwang komiks sa puso niya. Sa busy niyang schedules sa mga shootings at tapings, nagawa niyang matapos ang komiks na ito na kinukuwento na niya sa akin noong bago pa man matapos ang 2009.

Nagpapatulong siya sa akin kung paano niya mailalabas ang komiks na ito. Gusto niyang gastusan sa printing. Sabi ko, ipasok muna namin sa Komikon na naka-xerox. Kaso mukhang late na kami sa deadline para makakuha ng puwesto sa indie booth. Pero pipilitin kong makagawa ng paraan, kahit makipatong man lang kami ng ilang kopya sa table ng mga kakilala. Ang mahalaga ay mabigyan ng katugunan ang pangarap ni Jeri na mabasa ng ibang tao ang komiks na gawa niya.

Ang mga pages sa ibaba ay gawa ni Jeri mula sa istorya, drawing, coloring at lettering.

RENAISSANCE ART AUCTION

2010-04-05T12:52:00.002+08:00

Bukas na para sa auction ang mga artworks na ginamit para sa librong Renaissance. Alamin ang iba pang impormasyon dito.

GINTONG HULA

2010-04-01T15:45:00.006+08:00

Ang komiks-magasin na ito ay inilabas ng Agoja Atlantis Publications noong May 2001 kung saan malapit na rin ang national election. Ang nasa likod nito ay sina Chai Aquino (publisher) at Judy Lou de Pio (editor). Ang laman ng magasin ay 'new age faith and practices'. Ako ang unang nag-layout ng magasin na kalaunan ay iniwan ko na rin at naging contributing writer na lang ako.

Isa sa mga seryosong article na sinulat ko para sa magasin.

Dalawang komiks stories lang ang laman ng magasin na kalaunan ay naging isa na lang.

Hindi ko malilimutan ang magasin na ito dahil mayroon din akong column dito na pinamagatang 'Showbits' na tungkol sa local showbiz. Oo, aaminin ko, minsan ay naging showbiz writer din ako hehehe. Pero hindi ninyo malalaman ako pala iyon dahil gumamit ako ng pen name na 'Totoy Payaso'.

Uma-attend pa ako noon ng presscon ng mga artista, pero kadalasan ay nasasagap ko lang ang tsismis at balita sa mga kaibigang showbiz reporters, isa pa ay nagpi-freelance pa ako bilang graphic artist ng Intrigue Magazine, kaya puro balitang ka-showbizan na lang ang nabubungaran ko linggu-linggo.

Napaka-'holy' ng aura ng opisina ng Gintong Hula, paano'y ang mga taong involved ay puro new age religion practitioners. Ako lang yata ang hindi. Ang editor na si Ms. Judy Lou ay award-winning set designer sa pelikula at certified manghuhula.

May isang sekreto ang Gintong Hula na ako na lang yata ang nakaalam, of course, ang editor at at ang 'acting' publisher, dahil isa ako sa ipinatawag nang buuin ito. Ang totoo ay isa si Alfred Guerrero III sa nagpapatakbo nito. Hindi mababasa sa editorial box ang pangalan niya. Si Alfred ay anak ng mga Guerrero na may-ari ng Kislap at Counterpoint Publications. Si Alfred din ang nagsimula ng lumalaki na sanang West Publication na naputol din nang mag-takeover na ang Kislap sa compound ng Counterpoint.

Mas progressive mag-isip si Alfred, kung nagkaroon sana siya ng papel sa mga titles ng Kislap komiks noon, siguro ay baka napalago pa niya ang 'traditional' local komiks. Kung makakakuha kayo ng 1st issue ng anumang komiks ng West Publications ay malalaman ninyo ang sinasabi ko.

At kung bakit nagsara ang West at hindi rin nagtagal sa pamilihan ang Gintong Hula...ay isa na namang mahabang kuwento.

EARTH HOUR TONIGHT

2010-03-27T05:29:00.004+08:00

Mamaya ng 8:30-9:30 ng gabi, sabay-sabay po tayong magpatay ng ating mga kuryente. Malaking tulong po ito sa ating lahat, makakatipid tayo sa enerhiya at bayarin, makatutulong pa tayo sa kalikasan.

Alert on Missing/Stolen BenCab Paintings

2010-03-24T11:41:00.001+08:00

ALERT ON MISSING/STOLEN BENCABS: An Open Letter from National Artist Ben Cabrera (via Pananaw ng Sining Bayan, Inc.)

Two BenCab paintings have gone missing in transit from Los Angeles to Singapore. continue....

OFW DIARIES: Veteran Pinoy Cartoonist

2010-03-21T16:43:00.000+08:00

GOOD READ

2010-03-20T12:51:00.005+08:00

Ako na siguro ang pinaka-nakakainip na kasama sa loob ng bookstore. Lahat ng section ay hinahalughog ko.

Masarap basahin itong essay ng mga estudyante ng California State University na lumabas sa librong 'Wings'. Maraming fresh ideas. Kasama na rito itong 'Comics As Art' ni Christopher Osier.

May 'cartoon issue' ang New Yorker.

Isang nakatutuwang libro ni Scott Adams.

ANIMAL CHARACTERS

2010-03-18T13:23:00.005+08:00

Isa na siguro sa pinakamahirap ma-assign sa isang illustrator ay kung ang mga characters ay puro hayop. Kailangan mo talagang pag-aralan ng husto dahil iba ang anatomy ng hayop kesa sa tao.

Ang Funny Komiks at Bata-Batuta Komiks na siguro ang madalas nating kakitaan ng ganitong mga kuwento.

Paborito ko ang 'Planet Op Di Eyps' ni Roni Santiago, Pinoy ang comedy at simple ang pagkakagawa.

Paborito ko rin ang Superdog ni Louie Escauriaga dahil interesting ng kuwento at maganda ang art, malakas ang impluwensya ng animation.

Sa mga foreign comics naman ay gusto ko itong adaptation ni Michael Plessix ng 'Wind in the Willows' ni Kenneth Grahame. Convincing ang emotion ng mga characters, gumagalaw ang bawat eksena at maganda ang storytelling.

Pinakagusto ko na siguro itong 'Blacksad' nina Juan Diaz Canales at Juanjo Guarnido. Seryoso ang kuwento kaya ginamit ang mga hayop sa seryosong pamamaraan. Puno ng emosyon ang pagkaka-develop sa mga characters, at cinematic ang storytelling.

May fan page ang Funny Komiks sa Facebook. Kabubukas lang nito pero mahigit 700 na kaagad ang sumali.

May nakausap akong marketing staff ng Anvil Publishing at ibinalita niya na nasa top 9 bestsellers na ng National Bookstore ang 'Renaissance Art Book'. Hindi ko pa nakikita ang listahan pero ilalabas na daw nila ang poster ng mga bestsellers ngayong buwan na ito. Magandang senyales ito dahil two weeks pa lang itong nai-launch ay gumaganda na ang resulta.

SUMMER KOMIKON 2010

2010-03-17T17:28:00.002+08:00

More info here.

SALE: Spidey's Election Day

2010-03-15T06:11:00.003+08:00

Sale ngayon sa halagang P200 itong graphic novel na 'Election Day' ng Spider-Man sa Fully-Booked Gateway. Hindi ko alam kung available din ito sa iba pa nilang branch. Sulit dahil hardbound na ay bagung-bago pa ang kopya. Hindi ko alam kung itinaon nila na malapit na ang eleksyon o pinauubos na lang nila ang title na ito.

RENAISSANCE BOOK TOUR pics/ news bits

2010-03-14T04:00:00.009+08:00

Narito ang mga litrato sa Renaissance Book Tour na ginawa kanina sa NBS, Glorietta 5:

*****
Marami na ang nagtatanong sa akin kung kailan lalabas ang 2nd issue ng Pinoy Komiks Rebyu. Ang totoo niyan ay marami-rami na rin ang articles na puwedeng ilagay, ngunit marami pa ring kulang para punuin ang 68 pages na magasin. Nasimulan ko na ang ilang pages ng layout, ngunit marami pang dapat ayusin dahil may theme akong sinusunod sa 2nd issue, at iyan ay: 'Komiks bilang isang Sining.'

Ang unang isyu ay introduksyon lang sa komiks dito sa Pilipinas, at ng ilang personalidad na aking na-interview. Ang mga susunod na issues ay may mga partikular na tema at iyon ang nagpapahirap sa research namin dahil kailangan naming huwag lumayo doon.

At alam din naman ninyo, hindi naman ako full-time editor/writer/publisher, fulltime ako bilang illustrator dahil nariyan ang aking kabuhayan. Kaya pinipilit ko talagang pagkasyahin ang oras para mapunan lahat. Nitong mga nakaraang buwan ay natambakan ako ng trabaho na kinailangan pang magpatulong ako sa mga dating kasamahan sa komiks, ang iba nga ay ipinasa ko na lang sa iba, lalo na doon sa mga projects na may kinalaman sa pulitika (alam naman ninyong tuwing dadating ang eleksyon ay sangkatutak ang mga pulitikong naghahanap ng gagawa ng komiks para sa kanila).

On the side ay gumagawa ako ng sample pages para sa mga major publishers abroad, hanggang ngayon ay hindi ko talaga matapos-tapos samantalang ilang pages lang. Ito ang sample:

Mga ilang linggo pa siguro bago ako makakahinga ng maluwag-luwag para matutukan ko naman ang iba pang gawain lalo na ang PKR. Pasensya na po sa mga naiinip na.

May ginagawang book project ngayon si Fermin Salvador kasama ang ilang Filipino poets, may maliit na partisipasyon ako dito (hindi po ako kasama sa mga gumawa ng tula, nasa production side ako), at isa rin ito sa mga haharapin ko sa mga susunod na linggo kapag nakita ko na ang buong manuscript at makipag-usap sa editor nito na isang mahusay na manunula.

RENAISSANCE BOOK TOUR

2010-03-12T16:18:00.002+08:00

PIVOT

2010-03-12T16:07:00.001+08:00

Isa rin itong 'Pivot' sa nagustuhan kong short animation. Stylized at artistic ang pagkakagawa ng visual, at maganda ang twist ng istorya.

Pivot from Pivot on Vimeo.

THE SECRET OF KELLS

2010-03-11T21:53:00.002+08:00

I-share ko lang sa inyo itong isang animated movie na inaabangan ko. Bawat scene ay ni-layout artistically, para kang nakatingin sa children's book na gumagalaw.

RENAISSANCE BOOK TOUR

2010-03-10T11:13:00.003+08:00

Gaganapin ang kauna-unahang book tour ng Renassaince pagkatapos nitong i-launch last week sa SM Megamall. Ito ay gaganapin ngayon March 13 (Sabado), 4-6 pm, sa National Bookstore Glorietta 5, Makati.

Halos 20 artists ang dadalo kabilang na ang beteranong si Tony de Zuñiga.

Ang drawing na makikita sa itaas ay ang contribution ko sa naturang libro. Ito ay magiging available sa Ebay sa mga susunod na araw, ang kikitain dito ay mapupunta sa kapakinabangan ng ating mga kababayan.

ANGONO PETROGLYPH

2010-03-09T04:07:00.003+08:00

Nakagugulat na malamang normal sa mga taga-Angono ang makakita ng likhang sining sa kanilang pang-araw-araw na pamumuhay. Para bang ito na ang kanilang hininga. Noong huling dalaw ko nga doon isang linggo pa lang ang nakararaan ay nakatutuwang malaman na may isang lugar pala dito sa Pilipinas na kasama na sa kultura at kaugalian ang sining. Bata pa lang ay normal na silang makakita ng 'art', hindi gaya sa ibang lugar na kailangan mo pang magpunta sa mga gallery at museum.

Isa sa ipinagmamalaking sining ng Angono ay ang kanilang Petroglyphs, o sinaunang ukit sa mga bato. Tinatayang ginawa ito noong 3,000 BC. Nadiskubre ito ng ating pambansang alagad ng sining na si Botong Francisco.

May entry ang WikiFilipino tungkol dito.

Hindi ko pa ito nakikita ng personal at malamang na sa mga susunod na araw ay pasyalan ko ito. Mayroon kasing topic sa pag-aaral ng 'history of comicbooks' na may pagkakatulad sa 'komiks' ang ilang petroglyphs dahil meron itong sequential images, kagaya ng mga petroglyphs na nabanggit sa librong 'Understanding Comics' ni Scott McCloud, kung saan may natuklasang mga ukit sa bato na may pagkakasunud-sunod ang mga eksena.

Isa itong magandang rebelasyon sa midyum ng komiks sa Pilipinas.

SHORT COMICS REVIEW

2010-03-06T18:21:00.006+08:00

Lumabas na ang 3rd and final issue ng Dead Ahead ni Alex Niño. Masasabi ko na ito ang pinakamagandang issue sa tatlo. Out of this world ang layout. Magkakadugtong ang mga pages na ito, noong una ko nga itong makita noong nagpunta sa Pilipinas si Mang Alex ay inisip ko kaagad kung paano ipi-print itong mahabang-mahabang pages, akala ko ay folded pages ang gagawin. Pinutol din ng Image dahil imposible talaga ang ginawang ito ni Mang Alex. Creativity at it's best!

Lumabas na rin ang second issue ng Joe the Barbarian nina Grant Morrison at Sean Murphy, isa ito sa mga titles na kinukolekta ko ngayon. Highly recommended ito hindi lang sa mga comicbook artist kundi pati na rin sa mga gumagawa ng storyboard. Napakaganda ng pagkakagawa ng bawat eksena na makakalimutan mong nagbabasa ka ng komiks, akala mo ay nanonood ka ng pelikula. Storytelling at it's best!

3rd Philippine Graphic Fiction Awards

2010-03-05T12:09:00.001+08:00

Witness the 3rd Philippine Graphic Fiction Awards ceremony at 7:00PM, March 17, 2010 at the Rockwell Tent.

RENAISSANCE book Now Available

2010-03-01T17:21:00.003+08:00

Mabibili na sa National Bookstore branches. P500 only!

THE DEAN'S GRANDDAUGHTER

2010-02-28T17:29:00.006+08:00

Si Francisco V. Coching ang pinaka-maimpluwensyang komiks creator sa bansa. Pero wala tayong nabalitaan na may anak o apo siya na napunta rin sa komiks. Ngunit hindi ibig sabihin ay wala siyang naipasang artistic talent sa kanyang mga kaanak.

Ang totoo niyan, ang mga anak ni Coching, maging ang kanyang mga apo ay tunay na may dugong artist. Ang mga paintings na nasa ibaba ay gawa ng kanyang apong babae na si Valerie Devulder.

ANGONO VISIT

2010-02-24T23:20:00.007+08:00

Spent the whole day with Derrick Macutay in Angono, Rizal hanging out with Fine Arts students.

The world's smallest nude painting...in an easel. Nabili ko for just P30 hehehe cute!

Artists chatting with friends.

An installation.
Abstract Gundam.
Street chalk art.

Superman's debut comic book issue sells for $1M

2010-02-23T12:12:00.001+08:00

Wow! That's 46 million pesos! Read the whole article here.

RENAISSANCE PICS

2010-02-23T03:41:00.003+08:00

Edgar at ako. Kuha ng misis niya :).

Narito ang mga pictures ng nakaraang Renaissance event: Carlo Pagulayan, Edgar Tadeo, Anvil.

RENAISSANCE

2010-02-19T12:18:00.002+08:00

Nasa Renaissance ako ng 1-4 ng hapon para sa book signing at sketching. Magaganap ito ngayong Linggo sa Megatrade Hall 3, SM Megamall.

Para sa iba pang impormasyon, puntahan ang Deviant Art page ng Renaissance.

DAVID DE OCAMPO

2010-02-19T04:55:00.003+08:00

Sumakabilang-buhay na rin ang dibuhistang si David de Ocampo nito lang nakaraang Pebrero 15, 2010 dahil sa atake sa puso. Siya ay 69 taong gulang.

ARLAN ESMEÑA: 1973-2010

2010-02-18T12:14:00.004+08:00

Isang beses lang kaming nagkita ni Arlan ng personal. Noong komiks convention sa San Pablo, Laguna. Lumapit lang siya sa table ko, ngumiti ako, ngumiti lang din siya sabay tango. Hindi pa kami nagkakausap kahit kailan. Pero malungkot malaman na binawian na siya ng buhay kaninang madaling-araw. Halos magkasunod lang kami ng edad.

Mababasa sa blog ni Gerry Alanguilan ang ilang impormasyon tungkol kay Arlan.

Geirry Garccia Passed Away

2010-02-16T14:18:00.001+08:00

Geirry Garccia, Legendary Philippine Animator, passed away last Saturday (February 13) according to Ricky Orellana of Animation Council of the Philippines (ACPI). He was the man behind the Philippines first animated series "Panday" and the Philippines first commercial animated movie "Ibong Adarna" and... many more such as Captain Barbell, Darna, Isko: Adventures in Animasia, etc.

Can Comics Be Literature?

2010-02-16T13:28:00.002+08:00

A day before ng pagsasalita ko sa 2nd Faculty Symposium on Visual Arts na ginanap sa PUP noong Biyernes ay nagpakundisyon muna ako sa panonood sa mga videos at pagbabasa ng mga articles tungkol sa komiks. Isa ito sa pinanood ko na nagustuhan ko:

MONEY SENSE

2010-02-15T13:04:00.000+08:00

Nasa January-February issue ako ng Money Sense magazine.

RENNAISSANCE

2010-02-14T12:28:00.002+08:00

KOMIKS TRIP: UPLB COMIC BOOK CONVENTION

2010-02-10T19:02:00.002+08:00

Ngayong sabado ang ang Komiks Trip na gaganapin sa UP Los Baños. Magkita-kita tayo. Magtitinda rin ako ng ilang libro kasama na itong 'The Art of Star Wars' (P800) at 'The Life and Times of Robert Crumb' (P200).

Para sa iba pang impormasyon tungkol sa Komiks Trip, puntahan ang kanilang official website.

DIGITAL ART SLIDE SHOW by GUHIT PINOY

2010-02-09T11:39:00.000+08:00

Para sa mga taga-Bacolod.

2nd FACULTY SYMPOSIUM ON VISUAL ART

2010-02-08T13:18:00.003+08:00

Magkakaroon ako ng presentasyon tungkol sa komiks sa 2nd FACULTY SYMPOSIUM ON VISUAL ART. Ito ay gaganapin sa Bulwagang Bonifacio, PUP NALLRC, PUP Main Campus, Sta. Mesa ngayon Pebrero 12, 2010 (1pm). Ang aking paksa ay: 'Ang Komiks ng Pilipino sa Panahon ng Teknolohiya at Globalisasyon'.

Kaisa ito sa pagdiriwang ng National Arts Month 2010.

Kulturang Pinoy Kulturang Global: PUP's Visual Arts Exhibition is on

2010-02-07T11:42:00.001+08:00

THe University Center for CUlture and the Arts of PUP through the Visual Arts Office will be having an exhibit entitled: Kulturang Pinoy, KUlturang Global which will feature the works of GUhit Sudlungan of PUP and the PUP Lente Photo Club. The exhibit will open on February 8 and will run until February 13, 2010 at the Ninoy Aquino Library and LEarning Resources Center Lobby, PUP Main Bldg.

For details please call Joseph Reylan Viray, Chief Visual Arts Office at 7137369.

LARRY ALCALA'S SLICE OF LIFE

2010-02-06T16:00:00.003+08:00

Makikita sa Facebook account na ito ang koleksyon ng 'Slice of Life' ni Larry Alcala. Salamat sa Alcala family sa pag upload.

CHINESE PAINTING EXHIBIT

2010-02-05T01:40:00.005+08:00

Kasalukuyang naka-exhibit sa second floor ng Shangri-la Plaza, Mandaluyong ang mga Chinese paintings na ito. Kasama ito sa pagdiriwang ng Chinese New Year. Big fan ako ng mga oriental at minimalist artworks kaya hindi ko pinalampas ang mga naka-exhibit na ito. Mayroong free painting lesson galing sa isang Chinese master sa linggo doon din sa Shangri-la, pero sa dami daw ng nag-enroll ay hindi na sila tumanggap ng iba pang estudyante. Hindi na tuloy ako nakaabot.

Kung Hei Fat Choy!

NORMAN ROCKWELL'S BIRTHDAY

2010-02-03T13:11:00.003+08:00

Nalaman ko lang na birthday pala ngayon ni Norman Rockwell dahil sa Google. Tinatawag si Rockwell na 'America's Favorite Artist'.

ANG AKING ITIM NA LIBRO

2010-02-02T16:14:00.002+08:00

Kung hindi pa ako mapapasyal sa bahay ng kapatid ko ay hindi ko malalaman na nasa kanya pala ang itim na libro na matagal ko nang hinahanap. Nakita ko ito kasama ng mga laruan ng pamangkin ko.

Ilang buwan ko na rin itong hinahanap at hindi ko matagapuan kung nasaan.Puwede ko sigurong sabihin na, mawala na ang lahat ng koleksyon ko sa bahay, huwag lang ito. Gaano ba ito kaimportante sa akin?

Sa lahat ng nakausap ko na nanggaling sa publication, mapa-writer man o artist, ang isa sa madalas kong marinig ay: "Sayang at hindi ko naitago ang mga gawa ko noong araw." Ayokong dumating ang araw na isa rin ako sa magsabi ng ganito. Kahit pa sa katotohanan ay talagang marami rin akong gawa noon na wala akong kopya at hindi ko na nasubaybayan na lumabas.

Ang itim na libro ay mga short stories ko sa prosa na lumabas sa Counterpoint at West Publication. Kulang-kulang 700 pages ito na naka-bookbound, bawat isang kuwento ay may 8-10 pages. Sinulat ko ang mga ito noong 19-20 years old ako. Si Joelad Santos ang editor-in-chief ng Counterpoint noon at assistant niya si Ma'am Rizalina. Siguro masasabi ko na naging paborito ako ni Ma'am Rizalina dahil linggu-linggo akong may lumalabas na short story. At kung may special issue, halimbawa ay Pasko o Valentine's Day ay ako ang binibigyan niya ng assignment.

Binasa ko nga ulit ang ilang kuwento ko, nalaman ko na mas okay pala akong tumipa ng mga salita noon. Malalaman mo na may pagmamahal sa pagsusulat. Pero ngayon, tuwing magsusulat ako ay inaagaw na ng iba ang atensyon ko. Una na riyan ay ang pagkakaroon lagi ng 'career plans'. Para bang hindi na ako makapagsulat na walang kasamang bayad. Kainis, I became a money-making machine, a paid hack!

Kaya siguro hindi ko na rin gaanong kinakarir ang pagsusulat ngayon dahil sa ganitong dilemma. Nimi-miss ko 'yung araw na pagkagaling ko sa publication ay tututok ulit ako sa harap ng makinilya. Ngayon, hindi makinilya ang lagi ko ng hinahanap kundi lapis.

BUWAN NG SINING

2010-02-01T11:49:00.002+08:00

Dumaan ako kagabi sa pagbubukas ng Buwan ng Sining na ginanap sa harap ng Department of Tourism sa Rizal Park, Manila. Para sa ating kaalaman, ang Pebrero ay buwan ng sining.

Para sa karagdagang impormasyon, pumunta sa website ng Philippine International ArtsFestival 2010.

KUNG SUSUWERTEHIN KA NGA NAMAN

2010-01-28T19:39:00.006+08:00

Matagal-tagal na rin na hindi ako nakakadalaw sa mga bookstores, kaya kanina, habang wala pang masyadong ginagawa ay nag-ikot ulit ako. Matagal at matiyaga akong maghanap ng libro, at swerte din naman na natiyempuhan ko ang mga ito:

Nakuha ko ang hardbound ng Dynamic Figure Drawing ni Burne Hogarth sa halagang P250, hardbound ng Bone ni Jeff Smith for P100 at 24 Seven ng Image Comics for P180.

Hindi ko sana kukunin itong 24 Seven, pero nang buksan ko ay talagang visual feast, kasama sa halos 70 contributors sina Adam Hughes, Eduardo Risso, Alex Maleev, Fabio Moon, Gabriel Ba, Ben Templesmith, at napakarami pang iba.

ANG GILINGANG BATO

2010-01-27T14:28:00.002+08:00

Isa rin sa hindi ko makalimutang maikling kuwento ay ang 'Ang Gilingang Bato' na isinulat ni Edgardo Reyes para sa magasing Liwayway noong 1972. Nang una ko itong mabasa ay hindi ako masyadong fan ng mga kuwentong may 'twist', gaya ng gawa nina Guy de Maupassant at O'Henry. Pero nang mabasa ko ito ay naging automatic na sa akin na mag-isip ng kakaibang 'end twist' sa aking mga sinusulat na kuwento. Parang nakita ko ulit ang kagandahan ng kuwentong may twist sa dulo.

Kung maari ko nga lang ilagay dito ang buong kuwento ng 'Ang Gilingang Bato' ay malalaman ninyo ang sinasabi ko. Sa unang pagtakbo ng kuwento ay aakalain mong 'straight-forward' lang ang pagkaka-deliver. Matatanim na rin sa isip mo kung ano ang magiging ending. Pero bigla kang matitigilan sa huli. Tapos ay manghihinayang ka, malulungkot, magagalit ka sa mga karakter.

Saka mo lang mari-realize, nagbabasa ka lang pala ng kuwento. Ng isang napakagandang kuwento.

Sa maikling anecdote ni Reyes tungkol sa kuwentong ito, binanggit niya na ito yung panahon na inalok siya ni Tony Velasquez (noo'y general manager ng GASI) na maging editor, hindi niya lang nalinaw kung sa komiks o sa magasin, pero tinanggihan niya.

Naisip ko na siguro kung may mga kuwentong Filipino ako na gagawing komiks ay baka isa ito sa unahin ko.

VERY POOR

2010-01-25T23:23:00.005+08:00

Nai-feature ni Hans Bacher sa kanyang blog, Disney animation director and book author, ang pintor na si Mauro 'Malang' Santos. Masarap malaman na hindi lang mga pintor mga nakaka-appreciate ng trabaho ng ating magagaling na fine artists, maging ang mga nasa foreign animation man.

Ang nakatawag lang sa akin ng pansin ay nang banggitin niya ang tungkol sa Pilipinas na: 'it is a very poor country'. Hindi lang basta poor, very poor pa.

Sa mata ng isang European (German si Mr. Bacher, kung hindi ako nagkakamali) na nakaikot na sa iba't ibang panig ng mundo, at nakasalamuha na ang iba't ibang lahi ng tao, at napagmasdan na rin ang iba't ibang kultura, mukhang hindi na natin kailangan pang magbalat-sibuyas. Tama si Mr. Bacher.

Kaya ano ang kailangan nating gawin? Ngayong malapit na ang eleksyon?

Magbantay. Magsuri. At gawin nating makabuluhan ang ating boto.

TULAAN SA TREN

2010-01-24T04:03:00.004+08:00

Kung kayo ay madalas sumakay sa LRT Line 2 (byaheng Recto-Santolan), siguro ay napapansin ninyo ang mga nakapaskil sa loob ng tren na tinawag na 'Tulaan sa Tren'. Mga Spanish poems ito na naka-translate sa wikang Filipino, nakasulat din ang: 'Espanya, malapit sa ating kultura. Just a station away'. Pinatutunayan lang nito na dahil nga sa tagal natin sa ilalim ng pamahalaang Kastila ay hindi na natin malaman ngayon kung iyong kultura bang ginagamit natin ay likas at orihinal bang sa atin o sa mga Kastila mismo.

Gusto ko ang ginawang ito ng pamunuan ng LRT dahil bukod sa nalilibang na tayo sa ating paglalakbay ay mayroon pa tayong natututunan.

Isang maikling tula ang hindi ko makalimutan na kahit makailang beses ko nang nabasa ay inuulit-ulit ko pa rin kapag nasa loob ako ng tren. Hindi ko masyadong kabisado ang pagkakasulat pero malapit-lapit sa ganito:

'Nang tayo'y maghiwalay ay pareho tayong nawalan,
Ako dahil lubusan akong nagmahal sa iyo,
At ikaw dahil ikaw ay nagmahal sa akin.

Ngunit sa ating dalawa, ikaw ang mas nawalan,
Dahil kaya kong magmahal ng iba tulad ng pagmamahal ko sa iyo,
Ngunit hindi kayang magmahal ng iba tulad ng pagmamahal ko sa iyo'

Hindi ko na rin matandaan kung sino ang nagsulat. Mas naging interesado ako sa pakahulugan ng tula. Napakagandang pagkunan ng inspirasyon.

MATTHEW COOK

2010-01-23T03:07:00.007+08:00

Patingin-tingin lang ako sa bookstore noong isang araw nang matawag ang pansin ko ng isang lumang libro ni John Grisham. Hindi dahil sa title kundi dahil sa illustration na nasa cover. Gandang-ganda ako kaya tiningnan ko kaagad sa editorial page kung sino ang gumawa. Mabuti na lang at nakalagay.

Naka-discover na naman ako ng bagong inspirasyon sa katauhan ni Matthew Cook. Makikita sa kanyang website ang iba pa niyang trabaho.

ZUMARA AT IBA PANG PANINIWALA SA MGA KAKATWA

2010-01-21T13:01:00.005+08:00

Nag-sponsor ang Pinoy Komiks Rebyu ng trophies sa isang environmental-beauty contest sa Pozorrubio, Pangasinan. Naimbitahan din ang inyong lingkod para maging judge ng naturang contest. Fiesta sa lugar kaya maraming palabas sa plaza. Isa sa nakatawag ng pansin ko ay itong 'freak show' na may pamagat na 'Zumara'. Wala akong ideya kung ano ang makikita sa loob dahil hindi ako pumasok, pero malinaw na naging inspirasyon nito ang Jim Fernandez' character na si 'Zuma'. Base sa litrato ay may 'babaeng ahas' na makikita sa loob.

Noong bata pa ako ay interesado rin akong makakita ng ganito. Isa sa napanood ko noon ay ang 'babaeng isda', na hindi ko masyadong naaninaw dahil madilim. Isa rin sa hindi ko makakalimutan ay ang 'taong pawikan', pero nang makita ko ay dispalinghado lang ang mga paa at walang tuhod na mukha nga namang paa ng pawikan.

May isang nakatutuwang video na ipinakita ang 'The Skeptic' magazine editor na si Michael Shermer tungkol sa pagkahilig sa paniniwala ng mga tao sa mga kakatwang bagay.

KOMIKS TRIP: UPLB COMIC BOOK CONVENTION

2010-01-19T12:13:00.001+08:00

Para sa mga detalye, pumunta sa website na ito: Komiks Trip.

JOEY CELERIO

2010-01-17T13:42:00.003+08:00

Pakikiramay sa mga naulila ni Joey Celerio.

Out of town ako kaya hindi pa ako makapagsulat ng mahaba tungkol sa kanya at sa kanyang mga trabaho sa komiks. Pansamantala ay puntahan muna ninyo ang link na ito galing sa Komiklopedia: Joey Celerio.

ANG PANGUNGUSAP

2010-01-13T17:27:00.002+08:00

Minumulto ba kayo ng isang pangungusap? Ang ibig kong sabihin, sa modernong pagpapaliwanag, may mga ‘sentence’ o ‘words’ ba na laging gumagambala sa inyo?

Aaminin ko, sa akin ay mayroon.

Nabili ko ang isang lumang aklat na pinamagatang ‘Karanasan’ noong mga unang taon ko sa pagsusulat, 1995 iyon. Lumabas ito noong 1977, at dahil luma na, P14.75 lang ang kuha ko dito.

Koleksyon ito ng mga salaysay at maikling kuwento galing sa mga mahuhusay na manunulat tulad nina B.S. Medina, Rogelio Ordoñez, Rolando Tinio, Genoveva Edroza, Simplicio Bisa, Fanny Garcia, Teodora Agoncillo at iba pa.

Isa maikling kuwentong hindi ko makakalimutan ay ang ‘Sa Ibabaw ng Kalabaw’ ni Rogelio Mangahas. Hindi dahil sa kuwento kundi sa unang pangungusap na ganito ang pagkakasulat: ‘Isa sa mga paaralang narating ko ay ang likod ng kalabaw.’

Hindi ako pinatahimik ng pangungusap na ito. Malakas ang impact sa akin na sa unang tirada pa lang ay gumana na agad ang analisa ko. Bakit naging paaralan ang likod ng kalabaw? Metapor kaya ito na ang bukid ay napagkukunan din ng karunungan? Ang sakahan kaya ang pinakadakilang lugar sa lahat dahil napapakain nito ang nagugutom?

Ganyang mga alalahain ang naglalaro sa utak ko noon.

Hindi maalis sa isip ko ang pangungusap na hanggang sa magsulat na ako kung saan-saan ay lagi ko itong kabuntot. May kuwento pa akong naisulat noon na ginamit ko ang pangungusap na: ‘Ang pinakamagandang paaralang narating ko ay ang ibabaw ng kalabaw.’ Romance story ito at malayung-malayo sa kuwento ni R. Mangahas. Mayroon din akong linyang naisulat sa isang short story na ganito: ‘Ang pinakadakilang paaralang nagturo sa akin ay aking sikmura.’ Tungkol naman ito sa dalawang nag-iibigan sa squatter’s area.

Ganito ka-powerful sa akin ang pangungusap na iyon ni R. Mangahas. Labinlimang taon na ang nakararaan, pero parang laging sariwa sa akin ang linya. Hanggang ngayon ay hinahanapan ko ito ng materyales, para itong balon na hindi ko pa rin mahukay-hukay. Napaka-misteryo nito sa akin na hindi ko pa rin ito magawan ng kuwento kahit sa komiks o prosa. Ipinapagamit lang ito sa akin bilang linya o sentence, pero hindi bilang isang buong kuwento.

Medyo weird nga dahil ang totoo ay marami nang naglalarong kuwento sa isip ko tungkol dito noon pa, pero agad ko ring niri-reject sa isip. Wala akong makitang katarungan.

Hanggang ngayon ay umaasa ako na magagawan ko ito ng materyales, sa kahit anong form, basta naroon ang salitang ‘paaralan’ at ‘ibabaw ng kalabaw’. Kung hindi ngayon, baka sa susunod pang fifteen years, o baka lampas pa.

Wala akong ideya kung buhay pa ngayon si Rogelio Mangahas. Pero gusto kong isang araw ay makilala ko siya ng personal, o kahit kaanak lang niya. Isa siya sa dahilan kung bakit hindi ako bumibitaw bilang isang manunulat na Pilipino.

LLAMMADO

2010-01-10T11:04:00.003+08:00

Ang magasing Llamado ay para sa mga mahihilig sa manok at sabong. Mayroong komiks section dito na tungkol din sa manok. Ito ay kasalukuyang inilalabas ng Pit Games Inc.